طريقة عمل الكنافه الخشنه :
كيلوا كنافه
كوب وربع سمن مذاب -انا استخدمت مازولا
نصف ملعقة صبغة كنافه
ملعقتين زبده
ملعقتين ماء زهر
جبنه نابلسيه بيضاء منقوعه ومصفيه تماما من الماء
جبنة موزريلا
الطريقه :
بنفتت الكنافه ناعمه جدا وبنسكب عليها السمنه وبندعكها معها كويس لحتى تتشرب السمنه ممكن تزيدي او تنقصي بالسمنه حسب الكنافه ونوعها يعني اضافة السمنه بتكون بالتدريج مع فرك الكنافه
بنحضر صينيه كبيره بنضيف الزبده وبنرش عليها الصبغه بنفركها وبنمسحها بالصينيه كامله وبعدين بنوخد ثلثين كمية الكنافه وبنوزعها منيح وبنحاول قدر الامكان نساويها بشكل مستقيم ثم نقوم بتوزيع الجبنه النابلسيه مع رشة ماء الزهر وبالجبنه المزريلا ..وبعدين باقي الكنافه بنسويها منيح وبنغطي فيها الوجه اذا زاد سمنه بنصبها عالوجه فوق الكنافه وبنشويها بالفرن على حرارة 200 لحد ما تتحمر منيح بنطلعها وبنكون جهزنا قطر ..بنقلب الكنافه وبنصبه عليها وبنزينها بالمكسرات وصحتين وعافيه
ملاحظه: ممكن استبدال الجبنه النابلسيه بجبنة العكاوي وممكن الاستغناء عن الموزريلا حسب الرغبه
0 التعليقات:
إرسال تعليق